no enti-mandamina sy mampijoro ny demokrasia
Fandrosoana
no itarihan’ny MFM antsika. Tsy te-hanan-dratsy ny MFM. Koa aoka tsy hatao
taon-dasa tsy tsaroana ny olana ara-pitondrana vao nanahirana antsika teo.
Gidragidra
efa saika ady anaty akata no teto noho ny fifanolanana politika. Nitondra
fahavoazana ho an’ny Faritra rehetra izany.
Tiantsika
hivalona tanteraka any ny gidragidra. Tiana hifampatoky ny samy Malagasy.
Izany
no mahatonga antsika hifidy amin'ny 15 desambra. Ianao no hisafidy ny
Solombavam-bahoaka ho ao amin'ny Antenimiera vaovao.
Io
safidim-bahoaka entinao io no handaminantsika ny tany sy ny firenena.
ANTENIMIERA
HANDAMINA NY TANY NO KENDRENTSIKA HATSANGANA
Ny
fampiadian-kevitra manara-dalàna ao anatin'ny Antenimieram-pirenena no famahana
izay fifanolanana politika momba ny fitondrana ny firenena sy ny fampandrosoana.
Ao no
miadihevitra ny samy Depiote. Ao no mifanao teny ierana ny Manam-pahefana
mpanatanteraka sy ny Antenimieram-pirenena.
Ny
tenierana tahaka izany no demokrasia:
-
Mahatonga ny Mpitondra sy ny Vahoaka
hifampatoky tsy misy raorao,
-
Mahatonga ny ankolafiny samihafa fijery eto amin'ny firenena ho afaka
mifandamina.
MAILO
ANEFA ISIKA SAO NY TALOHA
IHANY
NO MIVERINA.
Be
ny efa hita ary nizakana ny mafy tamin'ny fomba fitondrana nifandimby teto. Izao
no fotoana hanilihana tanteraka amin’ireny.
Nijaliana
teo aloha ny teniko fe-lehibe.
Nisy foana Ramasabomanga mivelona amin’ny fanindrahindrana Filoha.
Tsangan’olona iray no manjary tsy dohifin-teny fa azy samy irery ny marina.
Izy no atsangana ho “DEBA”.
Diso sy meloka izay hafa fijery noho ny tarik’I Deba.
Paika
sy amboletra hampanjakana tokana ny antokon’ny Filoha no tohiny. Ary fahefana
tsy misy setriny no iafarany. Very tanteraka ny fahamarinana.
Ny
hanitsy an’izany no nitolomantsika.
Natao
angady tsy mahatapaka ahitra ny Antenimiera ka tsy mahalamina ny fitondrana.
Tsy misy setriny intsony ny fahefan’ny Mpitondra rehefa noferana tsy hanana
fahefana ny Antenimieram-pirenena ary tsy ifanaovan’ny mpanatanteraka
tenierana momba izay itondrana ny firenena. Fangoronam-pahefana sy
tsirefesi-mandidy ny tahaka izany. Efa safidim-bahoaka nazava ny hanilika ny
tsirefesi-mandidy.
Nanjary
ombalahy tanimanga ny Depiote
(ny tompony ihany no mitrena) satria ny nantsoina handray baikon’ny Filoha
mpanatanteraka fotsiny. Mba olom-boafidy ihany ka nanantena hitondra
fifampierana eo amin’ny fanjakana kanjo ataon’ny sasany vongan'olona mpaneky
fotsiny ao anaty Antenimiera. Izany no nahatonga ny Depiote niasa taman-javatra
hafa toy izay tonga any Tsimbazaza (absentéistes).
Henatra
ary tsy safidintsika ny hahatonga ny Depiote tahaka izany.
FANJAKANA
MARIM-POTOTRA SY TANY MANDROSO NO TADIAVINTSIKA.
Ka
raha sanatria ny fomban’ny Taloha Ihany no Miverina,
-
dia tsy ho tenierana milamina ao anaty Antenimiera miaraka amin'ny
Depiote ny ny fitondrana ny tanintsika fa ho baikoin’ny sasany fotsiny ny
Depiote,
-
ho tapi-dàlan-kaleha isika mpanara-dalàna,
-
Rehefa henjan-droa ny fifanolanana dia tonga indray ny amboletra ary
hovaky ady anaty akata tahaka ny tamin’ny herintaona aza, sanatria.
TIANAO
HIFAMPATOKY TSY MISY RAORAO NY VAHOAKA SY NY MPITONDRA.
MAZAVA
NY LÀLAN-KIVOAHANA AROSON’NY MFM AMINAO.
NDAO
! NY MIFIDY MFM, MIBATA FANDROSOANA.