KOTO SY KALA
Oaia, oaia ry Koto sy Kala
Tsy akiala sirika tsy akiala bala
Tokana ihany hoy aho izao ny safidy
Ka tairo amin’izay ary fa aza mihidy an !
Aza manao sotrobe lava tango
Hahay ny atsy hahay ny aroa
Aza manao toy ny taingin’alika
Tombanana ambony k’iany an !
Tombanana ambany k’iany an !
Tokana ihany hoy aho izao ny safidy
Ka tairo amin’izay ary fa aza mihidy an !
Aza manao toy ny lavaka
Toy ny lava am-pefiloha
Fahavaratra fonenam-poza
Ririnina tranom-boalavo
Tokana ihany hoy aho izao ny safidy
Ka tairo amin’izay ary fa aza mihidy an !
Fa mbola ao ireo mpitsetsitra
Ao ireo mpanao taingim-bozona
Mbola ao ireo mpangoron-karena
Ao koa ny alika fiompiny e !
Tsara baiko mba hiaro azy an !
Ao ary ireo maty noana
Ao ireo resi-pahantrana
Ao ireo manao tafo lanitra
hiotra handrava ny efa
Ka lazao ho’ah’
Hiaraka amin’iza hoy aho iela ?
Tokana ihany hoy aho izao ny safidy
Ka tairo amin’izay ary fa aza mihidy an !
Ireo mpangoron-karena mandidy
Mihinana ny ratsy vitany tsy afa-pifonana
Ka na vahiny izy na tera-tany
Ialako tsiny fa iray ihany
Tokana ihany hoy aho izao ny safidy
Ka tairo amin’izay ary fa aza mihidy an !
Iray petsa petsa amin’ireo mpanandevo
Dia ho voafatotra mandrakizay a !
Izay miaraka amin’ny madinika
dia ho afaka mandrakizay
Oaia, oaia ry Koto sy Kala
Tsy akiala sirika tsy akiala bala
Tokana ihany hoy aho izao ny safidy
Ka tairo amin’izay ary fa aza mihidy an !
RALAY