NY
VONDROM-PARITRA VAOVAO
Lalàna
laharana faha-94-001
Mametraka ny isan’ny Vondrom-paritra
anapariaham-pahefana sy famaritana azy ary anarana entiny mbamin’ny
renivohitra ao aminy, nasiam-panovana.
Ny antemierampirenena no nandany tamin’ny fivoriana
nataony ny 15 Marsa 1994,
Ny Filohan’ny Repoblika,
Araka ny fanapahana laharana faha-5-HCC/D.3
tamin’ny 5 Aprily 1995, no mamoaka hampanan-kery nylalàna izay toy izao ny
andinidininy :
TOKO VOALOHANY
FEPETRA ANKAPOBENY
Andininy
voalohany – Izao
lalàna izao no mametra ho fampiharana ireo fepetra voalazan’ny andinin’ny
faha-126 ao amin’ny Lalampanorenana sy ireo andininy faha-4, faha-5 ary faha-6
entin’ny laharana faha-93-005 tamin’ny 28 janoary 1994 anaovana ny
sori-dalana ankapobeny itondrana ny fanapariaham-pahefana, ny isany ny
famaritana, ny anarany entiny mbamin’ny renivohitry ny Vondrom-paritra
anapariaham-pahefana
Sokajy 1
Momba ny fandaminana mikasika ny lafin-tany
And.
2. – Araka ny voalazan’ny andininy faha-4 entin’ny
laharana faha-93-005 voatondro ao amin’ny andininy voalohany etsy ambony,
ireto Vondrom-paritra anapariaham-pahefana :
-
Ny Faritra, vondrom-paritra
-
Ny Departemanta, vondrom-paritra mpanelanelana
-
Ny kaominina, vondrom-paritra fototra.
And.
3. – Ny Tanim-pirenena dia mizara ho Faritra valo amby
roapolo (28), Departemanta valo amby dimampolo amby zato(128) sy Kaominina dimy
amby sivifolo sy roanjato sy arivo (1296).
TOKO II
MOMBA NY FETRAN-TANIN’IREO VONDROM-PARITRA
ANAPARIAHAM-PAHEFANA SY NY ANARANA ENTINY ARY NY RENIVOHITRA AO AMINY
And.
4. – Ny Faritra dia azo avy amin’ny fikambanan’ny
Departemanta telo raha kely indrindra ary roa ambin’ny folo raha betsaka
indrindra.
And.
5. - Ny
Departemanta dia azo vy amin’ny fitambaran’ny Kaominina dimy amby roapolo
(25) raha betsaka indrindra
Ny Kao minina iray izay manana ireo toetoetra
voatokana hisahana ny lafiny ara-tsosialy sy ara-toe-karena sady matanjaka sy
araka ny ilàna azy ka ny fahefany eo
amin’io faritra io dia manana endrika manokana ara-jeografia, dia azo atao
ihany ho Departemanta raha ilana izany
And.
6. - Ny
Kaominina dia mizara ho kaominina ambonivohitra na ambanivohitra arakaraka ny
fipetraky ny fitombon’ny mponina ao aminy ka mahaton azy na tsia ho lasa
fitambaran’ny tanàna ambonivohitra.
Tsy azo atao koaminina ambonivohitra afa-tsy ireo
tanan-dehibe manana endri-tanàna mitambatambatra toy ny tanàn-dehibe, ka
manana eo am-pelatanany loharanom-bola ilaina amin’ny fampifandanjana ny
tetibola izay ampy hiantoka ireo loloha sy andraikitra ara-bola takian’ny
fiaimpiaina’ny olon-tsotra ao amin’ny kaominina toy izany.
Raha ny tokony ho izy dia tsy misy kaominina
ambonivohitra na dia iray aza azo atsangana, raha tsy manana mponina miisa dimy
arivo (5000) fara-fahakeliny.
Noho ny antony manokana, ireo toerana sasantsasany
izay misy mponina miavosa ka eo anelanelan’ny diman-jato sy roa arivo (2500)
sy dimy arivo (5000) ny isanyh, dia azo atsangana ho kaominina ambonivohitra
raha toa izy ka manana loharanom-bola sahaza ilaina amin’ny fampifandanjana ny
tetibola ao aminy araka ny voalazan’ny andalana faha-2 etsy ambony.
And.
7. – Ireo tanàna sy ireo vohitra madinidinika maromaro ao amin’ireo
faritra tena ambanivohitra no mitambatra ho kaominina ambanivohitra.
Ny haben’ny velaran-taniny dia
afaka miovaova arakaraky ny habetsahan’ny mponina ao aminy sy ny
loharanom-bola eo antoerana ary izany anefa dia tokony tsy hidadasika loatra na
ho kely loatra fa araka izay tokony ho mety indridra.
And.
8. – Didim-panjakana iray raisina eo am-pivorian’ny Minisitra araka
ny tolo-kevitra aroson’ny miandraikitra ny Atitany araka ny fanapahan-kevitra
noraisin’ny filankevi-paritra no handaharana na kaominina ambanivohitra na
ambanivohitra ka tsy maintsy hajaina amin’izany ny fepetra voalazan’ny
andininy faha-6 sy faha-7 etsy ambony.
Na izany aza anefa, eo am-piandrasana ny fivoahan’ny didim-panajakana
voatondro ao amin’ny andalana etsy ambony, ireo vondrom-paritra ambonivohitra
tanisaina ao amin’ny tovan’ny hitsivolana laharana faha-78-009 tamin’ny 5
mey 1978 dia mitazona hatrany ireo satan’ny kaominina ambonivohitra.
Ny fanovana ny fandaharana ireo kaominina dia tafiditra ao amin’ny
sehatra sahanin’ny didim-panjakana ary izany dia atao araka ny fetepra mitovy
amin’ny fanolorana azy ihany sy rehefa nanontaniana ny hrviny ny filankevitra
monisipaly na kaominaly sy ny filankevi-paritra voakasik’izany.
And.
9. – Na manao ahoana na manao ahoana, ny renivohitr’ireo
vondrom-paritra anapariaham-paehfana voatondron’ireo andininy faha –4,
faha-5 sy faha-6 ary faha-7 etsy ambony dia eo amin’izay tanàn-dehibe
indrindra ao amin’izy ireo izay ahitana taratra ny lanjan’anarana entiny no
sady mahavita ireo asa aman’andraikitra maha-mpitarika sy maha-kitro ifaharana
azy amin’ny fampandrosoana ara-toekarena.
And.
10. – Ho hita ao amin’ny tabilao atovana izao ny isa, ny fetran-tany,
ny anarana entiny sy ny renivohitry ny farita tsirairay avy, ny departementa
tsirairay avy ary ny kaominina tsirairay avy.
And.
11. – Mba ho fampiharana ireo fepetra voalazan’ny andinininy faha-5,
andalana faha-2 etsy ambony, ny fari-piadidian’ny kaominina ambonivohitra
an’Antananarivo-Renivohitra, ny an’i Nosy-Be ary ny an’i Sainte-Marie dia
mahasahana vondrom-paritra iray dia ilay ambaratonga faharoa : ny
departementa.
And. 12. - Ny lalàna no mametra, raha ilaina izany, ny sata manokana itondrana ireo Kaominina ambonivohitra sasantsasany izay hita fa ny velaran’ireo fitambaran’ny tanànany, ny fahasamihafan’ny fizarazaran-taniny, ny fitomboan’ny mponina izaitratra sy ny firaisan-kina efa voajanahary aminy sy amin’ireo tanàna manodidina azy, dia mitaky fampiharana vahaolana manokana mba handraisana an-tanana ny fifehezana ireo olana ankapobe mikasika ny fanajariana ny tany ary ny fitantanana ireo sampandraharaham-panjakana.
And. 13. - Ireo fanovana atao amin’ireo fetran-tanin’ny vondrom-paritra anapariaham-pahefana, izay miompana amin’ny vondrom-paritra iray mba hitambatra amin’ny iray hafa, dia tapahina amin’ny alalan’ny lalàna rehefa nanome ny heniny ara-dalàna ny filankevitra voakasik’izany.
Torak’izany koa momba ny fanovana sy ny fanendrena ny renivohitry ny vondrom-paritra izay tsy maintsy atao amin’ny alalan’ny fanapahan-kevitra noraisin’ny filankevitra voakasik’izany amin’ny fotoam-pivoriany voalohany.
And.
14. - Amin’ny fanovana
ireo fetran-tanin’ny vondrom-paritra iray, na ny famoronana vondrom-paritra
iray, ny famindrana ireo fananana sy ny eo am-pelatanana ary ny trosa any
aman’olona mifandraika amin’izany dia atao araka ny didim-panjakana raisina
eo am-privorian’ny Governementa, araka ny tatitr’ireo vaomiera manokana
atsangana mba hiandraikitra an’izany sy rehefa nanome ny heniny ireo
filankevitry ny vondrom-paritra voakasik’izany.
And.
15. – Amin’ireo tarehin-javatra rehetra voatondro amin’ny andininy
faha-13 sy faha-14 voalaza etsy ambony, ny na ireo solontenam-panjakana ao
amin’ny faritra voatohina dia
mampanao fanadihadiana mikasika ilay volavolan-kevitra ary manao tatitra
mikasika izany any amin’ny Governementa.
And.
16. – Ny
solontenam-panjakana ao amin’ny faritra no mandamina, ary ny fahefana mpitsara
no mitsara ireo fanoherana mikasika ny famaritana ny vondrom-paritra raha toa ka
tafiditra amin’izany ireo kaominina ao amin’ny departementa iray, ary ny
Minisitra miandraikitra ny Atitany kosa raha ohatra ka voatohina ny kaominina ao
amin’ny departementa roa na maromaro. Didim-panjakana atao eo am-pivorian’ny
Minisitra no andravonana azy raha toa ka mahakasika ireo fatitra na ireo
departementa izany.
And.
17. - Foanana
ary dia foana ireo fepetra rehetra tany aloha ka mifanohitra amin’izao lalàna
izao
And.
18. - Havoaka
amin’ny gazetim-panjakan’ny Repoblika izao lalàna izao.
Hotanterahina izany fa lalàm-panjakana.
Avoaka hanan-kery, Antananarivo, ny 26
Aprily 1994