Manandafy Rakotonirina :Avereno eny Tsimbazaza ny fitsarana
Nanokatra ady hevitra momba ny raharaha Voninahitsy Jean Eugène sy
Herihajaina ny filoha nasiônalin’ny MFM andriamatoa Manandafy Rakotonirina, raha
nivahiny tao amin’ny fandaharana Savaravin’ny RNM ny tenany omaly. Tokony
haverina hotsaraina eny amin’ny lapan’ny antenimieram-pirenena, hoy izy, ny
raharahan’ireo depiote ireo ka hanokafana ady hevitra noho izany, ny tokony
hanesorana na tsia ny zo tsimatimanotan’izy ireo na ny “immunité parlémentaire”,
izay vao tokony ho nankeny amin’ny fitsarana ny raharaha.
Noho izany, hoy ihany ingahy Manandafy, mandra-pahavitan’ny ady hevitra dia
tokony homena fahafahana vonjy maika aloha izy ireo. Misy lafin-javatra tsy
mitombina ihany mantsy amin’ny lafim-pitsarana, araka ny teniny satria momba ny
depiote Herihajaina, raha tena marina fa nisy tokoa izany vola izany, dia tokony
ho sazy mandrapahafaty no nomena azy fa tsy fito taona monja.
Governemanta
Hisaorana tsy ho ela va i Sylla?
Matetika izay tompon’andraikitra voalaza fa nahomby tamin’ny asany no
esorin’ny filoham-pirenena tampotampoka. Isany, ohatra, ingahy Sahobisoa Olivier
izay nahafehy ihany aloha ny olana ara-bary kanefa voadaka tamin’ny fomba
tampoka. Nolazain’ny filoha Ravalomanana ary fa nahomby ny governemanta satria
ny 80% -n’ireo asa nankinina taminy dia tanteraka avokoa. Velona araka izany ny
ady hevitra, koa hisaorana tokoa ve izany ny lehiben’ny governemanta satria be
no vitany? Ho hita eo.
Fampianarana
Hiverina hamonjy sekoly!
Amin’ity herinandro ity no hiverina hamonjy ny sekoly amin’izay ireo
mpianatra rehefa avy niala sasatra kely nandritra ny telo herinandro teo ho eo.
Hiverina amin’ny rotorotom-piainana amin’izay izany ramalagasy. Iaraha-mahita
rahateo fa volana maina ny janoary. Hiverina hamonjy ny sekoly ihany koa ny
mpanao politika indrindra ny mpanohitra izay samy nampanantena fa na rizareo 3FN
na ingahy Alain Ramaroson fa mbola hanitsaka ihany ny kianjan’ny 13 mai. Tapitra
eo ny fitoniana.
Ecrit par IS. R.
Gdi 09-01-2006