Tsy
ilaina ny rà mandriaka, ary io no ilaina fitandremana matotra amin’ny fanaovana
politika mba hisian’ny fifandimbiasam-pahefana ao anatin’ny fitondrana tsy
harahin-dromoromo.
Io no anisan'ny hevi-dehibe nambaran'Ingahy Rakotovazaha Olivier omaly tao
amin'ny Radio Aceem. Efa taona maro no nitakian'ity antoko MFM ity izany, kanefa
mbola tsy tanteraka izany hatramin'izao vanin'andro izao. Manana ny traikefany
ny antoko MFM amin'ny fitsikerana ny fanjakana izay tsy mahomby hatramin'izay,
kanefa kosa mbola tsy nandrombaka fahefana. Maro ny Kotity amin'izao fotoana, na
teo amin'ny fitondrana teo aloha na ny amin'izao fotoana izao, satria samy nanao
heloka ka izay no hitakian'ny antoko MFM ny fampihavanam-pirenena.
Tsara ny milaza fa ny taona 2001 ity antoko ity no efa nangataka ny
fikaonan-doham-pirenena ary ny hirosoana amin'ny rafitra teteza-mita, kanefa toa
natao anjorom-bala ny fitakiana tamin'izany. Tsy afam-po amin'ny fomba
hitondran'ny fanjakana firenena amin'izao ry zareo MFM ka hilaina ny
fikaonan-doham-pirenena, hialana amin'ny ra mandriaka eto amintsika. Ireo raha
fehezina amin'ny teny tsotra ny hevitry ny mpikambana ao amin'ny antoko MFM, ka
azo antoka ve fa ho raisin'ny filoham-pirenena ny hevitry ny birao politika,
satria ny filohan'ity antoko ity anie ka mpanolon-tsainan'ny filoha Ravalomanana
e.
Penjy R
madagascar tribune 10/10/05