NA HO VY NA HO VATO TSY MAINTSY MANDRESY

RALAY

Na ho vy na ho vato tsy maintsy mandresy (4 fois)

Ranomasina midobodoboka any

Dia manentana hoe mitraka ny ambany

Tsy tsy fitoviana tsy maintsy azera

Izay te handevozina mitoera

Na ho vy na ho vato tsy maintsy mandresy (4 fois)

Ny niainana ela efa mahatofoka

Ny vaho-mangeja tsy afa-mikofoka

Tsy maintsy vahana tsy maintsy potika

Ny vato misakana ho rotidrotika

Na ho vy na ho vato tsy maintsy mandresy (4 fois)

Ny vositra lavon’ny singam-bola

Ho an’ny madinika ny tany tontolo

Izy no Aina sy lany Hery

Ka ho potika ireo izay maneritery

Na ho vy na ho vato tsy maintsy mandresy (4 fois)

Tsy ny fitaovana no hamaritra

Ka ny madinika no hiafy hiaritra

Ny maro an’isa no tompo-tsafidy

Fa tsy ny vitsy no handidididy

Na ho vy na ho vato tsy maintsy mandresy (4 fois)

Tsy ampianari-kabary ny zanak’andriana

Fa ampianarina ny fitoviana

Tsy fohazina intsony hoy aho ny razana lasa

Fa ny vokatra rehetra ho an’ireo izay miasa