NARODAN’NY ZAZA MPANAO BE ANDIANY
RALAY
Narodan’ny Zaza mpanao be andiany
Ilay hery nandrotika niainy
"Montsana" rava ny maro mahantra
Ny zioga natao ho zakainy
Haika sy sandry misandratra hiady
Miraona tsy mety mangina
Topazana atsy tazanin’eroa
Nitsimoka ilay fitovoiana
Nivava ny manda ny Lapan’ny Jadona
Haolo mivonto Horororo
Ny vava tafondro mitankina moana
Nitresaka sy torotoro
Lala-kosilatra mangorom-potsy
Milositra sahotakotaka
Tongotra an-katoka ireo voky rà
Ialany ialany fa rotaka
Izao ny madinika ho tompon’ny laka
Hitantana izay nifoforany
Andro miposaka ho onitry ny alina
« Nde’ ren’ » ilay nifatorany
Tafika vita mandroso mandresy
Manjaka ny fetra ho tratrarina
Olo-fehezina ny avo saranga
« raha toa ka miditra amparina »
Izao ny madinika ho tompon’ny laka
Tsy mila manasin’Andriana
Izao ny mpanompo handidy hibaiko
Hatreo ny olo-manga obiana
Izao ny Andevo hisavi-tsaranga
Fanevan’ny be MENA ATRAKA
Sisa hikopaka an-dapa tanànan’ny
Ngeza mpilaza azy ho katraka
NDAO LAHY ! ! ! ! !